ឯកឧត្តម អ៊ឹង លាងហ៊ួ បានអញ្ជើញគោរពវិញ្ញាណក្ខន្ធសព លោក នូ ខៀន មេឃុំស្រែថ្មី ស្រុករលាប្អៀរ ខេត្តកំពង់ឆ្នាំង
ព្រឹកថ្ងៃអង្គារ ទី១៣ ខែឧសភា ឆ្នាំ២០២៥ ឯកឧត្តម អ៊ឹង លាងហ៊ួ សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ បានអញ្ជើញគោរពវិញ្ញាណក្ខន្ធនិងរំលែកមរណៈទុក្ខដ៏សែនក្រៀមក្រំបំផុតចំពោះក្រុមគ្រួសារសព លោក នូ ខៀន មេឃុំស្រែថ្មី ស្រុករលាប្អៀរ ខេត្តកំពង់ឆ្នាំង ដែលលោកបានទទួលមរណភាព ដោយរោគាពាធកាលពីថ្ងៃទី១២ ខែឧសភា ឆ្នាំ ២០២៥ វេលាម៉ោង៧:៣០ព្រឹក។ បុណ្យឈាបនកិច្ច បានប្រព្រឹត្តទៅនៅគេហដ្ឋានសព ស្ថិតនៅភូមិអណ្ដូងឬស្សី ឃុំស្រែថ្មី ស្រុករលាប្អៀរ ខេត្តកំពង់ឆ្នាំង។ សូមឧទ្ទិសកុសលជូនដល់ដួងវិញ្ញាណក្ខន្ធ លោក នូ ខៀន បានយោនយកកំណើតនៅក្នុងទីឋានបរមសុខកុំបីឃ្លៀងឃ្លាតឡើយ។
